【自助餐放蛇起底组】$78酒店 抹茶 + 蜜糖 甜品自助餐

2020-06-13    收藏574
点击次数:627

抹茶 甜品固然吸引,但食甜品闲闲地都几廿蚊一款,想食多几款都真係几肉赤!今次带大家嚟到沙田嘅一间酒店,$78加一就可以任食两个半钟甜品,抵食!呢间酒店之前已经推出过紫薯甜品下午茶自助餐,唔少紫薯迷都嚟咗朝圣,最近酒店转咗新主题,变咗抹茶加蜜糖,啱哂抹茶Fans!甜品总共有十几款,当中抹茶类大约佔一半,蜜糖就相对较少,甜品仲会不时更换,食足两个钟都唔会闷!

抹茶类甜品 多数「得只色」

虽然今次自助餐主题係「 抹茶 」,但餐厅入面甜品嘅名都係写「绿茶乜乜乜」,搞到人都乱埋。不过算啦,唔理佢用咩名,味道最紧要!抹茶甜品虽然都有五、六款,但其实大部分都係「只见其色、不觉其味」——即係见到有绿色,但食落係冇抹茶味。当中最吸引嘅就一定係绿茶心太软,即刻整起热辣辣!另外仲有绿茶芝士蛋糕、泡芙等,如果想食Poster上面嘅抹茶马卡龙山,就要早啲去到啦,因为食完就无㗎啦!

【自助餐放蛇起底组】$78酒店 抹茶 + 蜜糖 甜品自助餐
酒店早咗畀人入座,所以即使準时2点半去到,都已经见唔到马卡龙完整嘅样啦。
【自助餐放蛇起底组】$78酒店 抹茶 + 蜜糖 甜品自助餐
绿茶心太软用光波炉即整,都要等下,唔少人都会喺度等,同样抢手!
【自助餐放蛇起底组】$78酒店 抹茶 + 蜜糖 甜品自助餐
绿茶心太软个Size唔算好大,所以食完都唔会觉得太腻食唔落其他甜品。
【自助餐放蛇起底组】$78酒店 抹茶 + 蜜糖 甜品自助餐
心太软入面无应有嘅流心效果,但胜在佢够热同埋绿茶味够香同出。

蜜糖甜品 拔丝炸芝士蛋糕有惊喜

蜜糖甜品嘅数量相对较少,当中有天使蛋糕、燕窝蜜糖布甸等。另外仲有炸芝士饼,新鲜炸起,仲有职员入嚟提醒我地出去拎,够哂贴心,不过蜜糖嘅吸引力相对无咁大。

【自助餐放蛇起底组】$78酒店 抹茶 + 蜜糖 甜品自助餐
蜜糖日式芝士饼拔丝,食食下有职员入嚟同我哋讲出面有新出嘅炸芝士饼,几贴心。
【自助餐放蛇起底组】$78酒店 抹茶 + 蜜糖 甜品自助餐
芝士饼望落似天妇罗,每块大细不一,上面蜜糖份量有所不同。
【自助餐放蛇起底组】$78酒店 抹茶 + 蜜糖 甜品自助餐
入面芝士饼份量唔多,而且食落芝士味唔够出同浓,炸粉亦係天妇罗嘅炸粉。如果上面蜜糖份量多的话会有苦涩味。
【自助餐放蛇起底组】$78酒店 抹茶 + 蜜糖 甜品自助餐
燕窝布甸,布甸几滑唔会太甜,燕窝就一如既往咁无咩特别嘅味。
【自助餐放蛇起底组】$78酒店 抹茶 + 蜜糖 甜品自助餐
天使蛋糕,蛋糕带淡淡牛奶香,蜜糖脆脆黏口偏甜,夹埋一齐食会更好味,

「自製窝夫」饱肚 柚子芝士蛋糕清新

除咗抹茶同蜜糖嘅甜品,亦会有其他甜品提供。当中有部窝夫机喺度,可以整窝夫,不过窝夫係有职员负责整,所谓嘅自製只係自己加酱料。虽然有职员整,但手势认真麻麻,窝夫无论样定味道都一般般。

【自助餐放蛇起底组】$78酒店 抹茶 + 蜜糖 甜品自助餐
窝夫机隔离有粉浆,不过无得自己玩,职员会帮你整好。
【自助餐放蛇起底组】$78酒店 抹茶 + 蜜糖 甜品自助餐
窝夫睇落一般般,可以自己加配料,配料同平时嘅格仔饼料差唔多,都係麻酱、炼奶、糖、朱古力等。
【自助餐放蛇起底组】$78酒店 抹茶 + 蜜糖 甜品自助餐
窝夫食落相当腍,完全无外脆嘅感觉,而且食呢个相当饱肚,食完会食唔落其他甜品。
【自助餐放蛇起底组】$78酒店 抹茶 + 蜜糖 甜品自助餐
柚子芝士蛋糕,相对无其他甜品咁甜,而且有柚子皮喺蛋糕入面,几清新有柚香。
【自助餐放蛇起底组】$78酒店 抹茶 + 蜜糖 甜品自助餐
石板街慕丝,朱古力慕丝加棉花糖,食落好似溶咗嘅雪糕,而且偏甜。
【自助餐放蛇起底组】$78酒店 抹茶 + 蜜糖 甜品自助餐
甜品会不定时更换,唔会食极都係果啲甜品。

整体甜品质素一般般,而且大部分甜品都偏甜,不过胜在够平而且可以食足两个半钟,而且环境舒服,同朋友嚟食住甜品倾下计都唔错。另外甜品亦会不定时更换,唔怕会闷,唔错。职员亦会主动通知我地出面有啲咩新甜品出咗,几贴心,服务几好。

分数:6.5/10

【自助餐放蛇起底组】$78酒店 抹茶 + 蜜糖 甜品自助餐

One + One Bar

电话:2694 3869

地址:沙田白鹤汀街8号帝都酒店大堂

$78下午茶时段:星期一至五 2.30pm – 5pm

备注:要加一

相关文章  RELEVANT ARTICLES